Хабарингиз бор, бугун Ўзбекистон терма ЖЧ-2022 саралаш босқичидан ўрин олган баҳсда Саудия Арабистони термасини меҳмон қилади.

Мазкур учрашувга бўлган қизиқиш юқори. Баъзи манбаларнинг хабарига кўра учрашувга чиқарилган 20минг чипта сотиб бўлинган.

Олдинроқ хабар берганимиздек, чипталар олди-сотдиси жараёнини тартибга солиш, чипталарнинг олиб-сотарлар қўлида қайтадан сотилишининг олдини олиш, қолаверса мухлислар учун қўшимча қулайликлар яратиш ва бу орқали чипталарнинг шаффоф савдосини таъминлаш мақсадида Ўзбекистон футбол ассоциацияси iticket.uz чипталар оператори билан ҳамкорликни йўлга қўйган.  Натижада iticket.uz миллий терма жамоа ўйини чипталари савдосини тўлиқ ҳажмда амалга оширади.

Iticket.uz Саудия Арабистони термасига қарши ўйин учун чипталарни қуйидаги нархларда чиқарган эди.

2-тоифа – 15 000 сўм;

1-тоифа – 25 000 - 35 000 сўм. 

Сайтимизга етиб келган маълумотларга кўра, чипталар яна қўлга чиқиб кетган. Айни вақтда “Пахтакор” метроси атрофида билетлари 30-135 минг атрофида сотилмоқда.

Барчангизга билетларни қўлдан эмас, аксинча Iticket.uz интернет сайти ва кассалардан сотиб олишингизи тавсия қиламиз.