Xabaringiz bor, bugun O‘zbekiston terma JCH-2022 saralash bosqichidan o‘rin olgan bahsda Saudiya Arabistoni termasini mehmon qiladi.

Mazkur uchrashuvga bo‘lgan qiziqish yuqori. Ba’zi manbalarning xabariga ko‘ra uchrashuvga chiqarilgan 20ming chipta sotib bo‘lingan.

Oldinroq xabar berganimizdek, chiptalar oldi-sotdisi jarayonini tartibga solish, chiptalarning olib-sotarlar qo‘lida qaytadan sotilishining oldini olish, qolaversa muxlislar uchun qo‘shimcha qulayliklar yaratish va bu orqali chiptalarning shaffof savdosini ta’minlash maqsadida O‘zbekiston futbol assosiasiyasi iticket.uz chiptalar operatori bilan hamkorlikni yo‘lga qo‘ygan.  Natijada iticket.uz milliy terma jamoa o‘yini chiptalari savdosini to‘liq hajmda amalga oshiradi.

Iticket.uz Saudiya Arabistoni termasiga qarshi o‘yin uchun chiptalarni quyidagi narxlarda chiqargan edi.

2-toifa – 15 000 so‘m;

1-toifa – 25 000 - 35 000 so‘m. 

Saytimizga yetib kelgan ma’lumotlarga ko‘ra, chiptalar yana qo‘lga chiqib ketgan. Ayni vaqtda “Paxtakor” metrosi atrofida biletlari 30-135 ming atrofida sotilmoqda.

Barchangizga biletlarni qo‘ldan emas, aksincha Iticket.uz internet sayti va kassalardan sotib olishingizi tavsiya qilamiz.