Англия терма жамоаси сардори Харри Кейн Черногория (7:0) терма жамоаси устидан қозонилган ғалаба ҳақида гапириб ўтди.
— Гуруҳимизда битта ўйинда учралган мағлубиятимиздан кейин бу ўйинга жуда яхши тайёргарлик кўрган эдик. Ўз вазифамизни жуда яхши бажардик ва Англия терма жамоасининг 1000-учрашувида шоу уюштирдик. Ўйлайманки, биринчи бўлимдаги бешта гол билан буни уддаладик. Ўйиндан олдин кўпроқ гол уришга гаплашиб олгандик йигитлар билан. Биз буни аниқ амалга оширдик: танаффусгача 5:0 — бундан ортиқ нарсани талаб қилишимиз мумкин эмас эди. Биз ўз дарвозамиз даҳлсизлигини сақлаб қолдик ва иккинчи бўлимда яна иккита гол киритдик ва терма жамоамизнинг юбилей ўйинини муносиб ўтказдик, — Кейннинг сўзларидан иқтибос келтирмоқда УЕФА расмий сайти.