Россия терма жамоаси бош мураббийи Станислав Черчесов Бельгия терма жамоаси қарши ўйиндаги фикрлари билан ўртоқлашди.
"Тўғри, бельгиялик осон голлар уришди. Улар тезкор қарши ҳужумга жуда хавфли ўтишади ва биз буни билар эдик.Бироқ, биз ҳам вақтимизни ҳимояда ўтказишни хоҳламас эдик, биз 2:0 ҳисобида ғалаба қозонишимиз шарт эди. Биз ўз кучимизни билиб олиш, аслида ким эканлигимизни намойиш этиш учун Бельгия терма жамоасига қарши очиқ ўйин намойиш этдик. Агар турнир жадвалидаги вазият бошқача бўлганида, эҳтимол биз бошқача тактика остида тўп сурган бўлармидик", - деди Черчесов ТАССга берган интервьюсида.













