Аргентина ва Уругвай терма жамоалари Тель-Авивдаги «Блумфилд» стадионида ўртоқлик ўйинини ўтказишди. Учрашувда жанговар дуранг қайд этилди.

Баҳснинг 34-дақиқасида уругвайликлар томонидан уюштирилган чиройли комбинацияни Эдинсон Кавани самарали якунлаб, ҳисобни очди.

Иккинчи бўлимнинг 63-дақиқасида Месси томонидан жаримадан етказилган узатмани Серхио Агуэро бош билан рақиб дарвозасига буриб юборди ва мувозанатни тиклади.

Орадан атиги 5 дақиқа ўтиб, Луис Суарес жарима зарбаси орқали ажойиб гол уришга муваффақ бўлди. Иккинчи таймга қўшиб берилган дақиқаларда тўп Гонсалеснинг қўлига теккани боис ҳакам пенальти белгилади. Месси 11 метрли жарима зарбасини голга айлантириб, ўйиндаги дурангни таъминлади.

Ўртоқлик ўйини
Аргентина – Уругвай 2:2 (0:1, 2:1)
Голлар: 0:1 – 34 Кавани, 1:1 – 63 Агуэро, 1:2 – 68 Суарес, 2:2 – 90+2, пенальти Месси.
Аргентина – Андрада, Пеццелья, Отаменди, Тальяфико, Саравия, Паредес (Гонсалес, 79), де Пауль (Родригес, 88), Акунья (Домингес, 68), Месси, Агуэро, Дибала (Мартинес, 76).
Уругвай – Кампанья, Коатес (Гонсалес, 17), Винья, Годин, Касерес, Вальверде (Бентанкур, 75), Весино, Лосано (Родригес, 88), Торрейра, Суарес, Кавани (Лаксальт, 56).
Огоҳлантиришлар: Кавани (39), Паредес (40), Весино (43), Годин (53), Гонсалес (90).