“Барселона” футболчиси Лионель Месси ўзига хос характер эгаси ҳисобланади. Бу унинг нафақат ўйини, балки фикрларида ҳам акс этиб туради. Қуйида Леонинг ўзига хос фикрларини эътиборингизга ҳавола этамиз.

Ҳаёт ҳақида

“Ҳаётингдаги энг оғир кун сен энди энг яхши эмаслигингни тушунган кунингдир” .

“Иштиёқ ва иқтидор доим бирга юриши керак”.

Дунё ҳақида

“Мени дунёнинг энг яхши футболчиси бўлишдан кўра энг яхши одам бўлиш кўпроқ ташвишга солади. Ахир ўзингиз ўйланг, сиз учун ҳаммаси тугаса, арзирли нимангиз қолади”.

Ғалаба ва мағлубият ҳақида

“Ҳаётда ғалаба ва мағлубиятдан ҳам муҳимроқ нарсалар бор”.

Футбол ҳақида

“Менга чиройли соч турмаги ва келишган тана керак эмас. Чунки тўп тепадиган оёқларим бўлса ва мен улар билан нималар қила олишимни кўрсатсам бас”.

“Мен футболни ҳатто текинга ҳам ўйнайвераман”.

Муваффақият ҳақида

“Ҳар доим энг яхши бўлишга интиламан. Иккита гол урган пайтимда менда учинчи голни ҳам уриш иштиёқи пайдо бўлади. Бу мотивация — ҳаётда омадга эришиш учун муҳим бўлган омилдир”.

“Мен ҳар битта ўйинда худди бу финал, ягона имкониятдек ҳаракат қиламан”.

“Ҳеч қачон ҳеч нарсадан афсусланмайман. Кеча содир бўлган нарса кеча билан қолди, энди эртанги кунни ўйлаш керак. Ҳаётим жуда тез ўтяпти, ўтган нарсаларни ўйлаб ўтириши керак эмас.

Натижа ҳақида

“Мен учун нимадир қилиш муаммо эмас, аммо Хави ва Иньеста билан қилганларимни такрорлай олмайман”.

“Ота бўлиш – эътиборни янги нарсага қаратиш. Кеча сенда миллионта муҳим ишинг бор эди,  бугун эса ўғлинг энг муҳим ишга айланди.

“Ҳаёт ажойиб, қачонки сен ҳар куни янги нарсани ўргансанг.

Ҳиссиётлари ҳақида

“Футболчи фаолиятининг энг қийин қисми нима? Интервью”.

“Мен Роналдуни буюк футболчи деб ҳисоблайман ва унга ҳасад қилмайман. Агар у бўлмаганида мен бир жойда туриб қолардим. У туфайли бугунги даражага эришганман”.

Вақт ҳақида

“Ҳар доим ўзингга бир гапни такрорлаб туришинг керак: ҳеч ким доим ғалаба қозона олмайди”.