Туриннинг «Ювентус» клуби ярим ҳимоячиси Эмре Жан қишда жамоани тарк этиши мумкинлигини шаъма қилди.
Аввалроқ, бу ярим ҳимоячига бир қатор топ клублар қизиқишаётгани ҳақида хабарлар тарқалганди.
— Мен ҳали «Ювентус» футболчисиман. Албатта, клубдаги тутган ўрним менга ёқмаяпти. Лекин, машғулотларда ишлашда давом этяпман.
Ҳеч бир футболчи доим заҳира ўриндиғида ўтирса ўзини бахтли ҳис қилмайди. Ҳозир менинг вазиятим шундай тус олмоқда. Қишда мен учун энг муҳим нарса нима эканлигини ўйлаб кўришим керак. Албатта, «Ювентус»да қолишни хоҳлайман, аммо бунинг учун вазият ўзгариш керак, — деди Жан.