Германия чемпионатининг 12-турига старт берилди. Дортмунднинг "Боруссия" клуби ўз майдонида "Падерборн"ни қабул қилиб, мағлубиятдан зўрға қутулиб қолди.

Меҳмонлар, кутилмаганда, танаффусга қадар майдон эгалари дарвозасини 3 марта ишғол қилишди. Иккинчи бўлимда эса дортмундликлар рақиб дарвозасига шунча марта йўл топишди. Улар иккинчи голни ўйин тугашига 6 дақиқ қолганида уришган бўлса, қўшиб берилган дақиқаларда ҳисобни тенглаштиришди.

Ушбу дуранг туфайли "Боруссия" 20 очко билан жадвалда 5-ўринни эгаллаб турибди. "Падерборн" эса 5 очко билан сўнгги поғонани эгаллаб турибди.

Германия чемпионати, 12-тур
Боруссия Д – Падерборн 3:3 (0:3, 3:0)
Голлар: 0:1 – 5 Мамба, 0:2 – 37 Мамба, 0:3 – 43 Хольтманн, 1:3 – 47 Санчо, 2:3 – 84 Витцель, 3:3 – 90+3 Ройс.
Боруссия Д – Бюрки, Пишчек, Вайгль, Хуммельс, Шульц (Хакими, 46), Витцель, Дауд (Азар, 46), Санчо, Ройс, Геррейру, Пако Алькасер (Брандт, 45).
Падерборн – Цингерле, Янс, Килиан, Шонлау, Коллинз, Гьясула, Василиадис (Сабири, 40), Прегер, Цолински (Михель, 77), Хольтманн (Антви-Аджей, 62), Мамба.
Огоҳлантиришлар: Хуммельс (28), Вайгль (74), Хакими (84), Коллинз (84).