Испания чемпионатининг 14-тури доирасида «Барселона» сафарда «Леганес» клуби меҳмони бўлиб, иродали ғалабани қўлга киритди.

Учрашувнинг 12-дақиқасида мезбонлар футболчиси Юсуф эн-Несирий ўз имкониятидан жуда самарали фойдаланди. У жарима майдонига кирди ва чап оёқда зарба бериб, тўпни олис "тўққизлик"га жойлаб қўйди.

Вальверде шогирдлари тўпни назорат қилган бўлсалар-да, танаффусга қадар голга тортадиган вазият ярата олишмади.

Иккинчи бўлимда эса каталонияликлар "стандарт"дан фойдаланиб ҳисобни тенглаштиришди. Месси етказиб берган узатмани Луис Суарес бош билан дарвозага жойлаб қўйди.

Ўйин тугашига 10 дақиқа қолганида эса "кўк-анорранглилар" бурчак зарбасини амалга оширишган пайтда тўп ҳимоячига тегиб, офсайд ҳолатдаги Видалга бориб тушди. Артуро жуда яқин масофадан дарвозани забт этди. Ҳакам VAR билан маслаҳатлашиб, тўпнинг ҳимоячидан борганини инобатга олди ва голни ҳисоблади.

Ушба ғалаба туфайли "Барса" ўз очколарини 28тага етказди ва пешқадамлик қилишда давом этадиган бўлди.

Испания чемпионати, 14-тур
Леганес – Барселона 1:2 (1:0)
Голлар: 1:0 – 12 Эн-Несири, 1:1 – 53 Суарес, 1:2 – 79 Видаль.
Леганес – Куэльяр, Бустинса, Омеруо (Тарин, 83), Сильва, Сиовас, Меса (Каррильо, 83), Рубен Перес, Оскар Родригес (Эрасо, 61), Росалес, Брэйтуэйт, Эн-Несири.
Барселона – тер Стеген, Ваге, Пике, Умтити, Фирпо, де Йонг (Фати, 70), Бускетс (Ракитич, 57), Дембеле, Суарес, Гризманн (Видаль, 57), Месси.
Огоҳлантиришлар: Меса (20), Бускетс (32), Видаль (90).