Хабарингиз бор, Суперлиганинг 25-турида Тошкентнинг икки клуби “Пахтакор” ва “Бунёдкор” ўзара баҳс олиб боради.
27 ноябрь кунги Тошкент дербиси “Пахтакор” майдонида эмас, “Бунёдкор” стадионида бўлиб ўтади. Учрашув 16:00 да старт олади.
Маълумот учун. Биринчи давра ўйинида “Бунёдкор” стадиони тайёр бўлмагани учун “Пахтакор” учрашувни ўз майдонида қабул қилишга рози бўлганди. Келишувга кўра, иккинчи учрашув ҳам “Пахтакор”да ўтиши керак эди. Бироқ Арвеладзе жамоаси муддатидан аввал чемпион бўлгани, шунингдек, айни вақтда “Бунёдкор” стадиони ўйинларга тайёр бўлганидан келиб чиқиб, юқоридаги қарорга келинди.
