Бугун таниқли «Fut Bazza» нашри Юрген Клоппнинг «Олтин тўп» борасида билдирган қизиқарли кичик интервьюсини эълон қилди. Германиялик мутахассис томонидан билдирилган фикрларни эътиборингизга ҳавола этамиз.

«Олтин тўп» борасидаги саволлар бир ҳафтадан сўнг, ўз якунига етишидан жуда хурсандман. Бу мавсум ҳақиқатдан ҳам тенг курашларда ўтди. Ғолиблик учун номзод футболчиларнинг барчаси ажойиб мавсумларни ўтказишди. Шундай бўлсада, гап энг кучлилар ҳақида борар экан. Улардан бирини эътироф этиш лозим. Келинг, вазиятга реал кўз билан қарайлик. Агарда «Олтин тўп» ушбу авлоднинг энг кучли футболчисига берилиши керак бўлса, уни Месси олиши керак.

Агарда, ўтган мавсумнинг энг кучли футболчисига топширилса, бу соврин юз фоиз Виржил ван Дейкка тегишли. Ҳозирча сўнгги қарорни кутишдан бошқа чорамиз йўқ. Унга қадар қайсидир футболчини нолойиқ дейишдан йироқман. Сўровнома қай даражада шафоф ўтиши натижанинг ҳаққоний бўлишини таъминлаб беради деган умиддаман. Дарҳақиқат танлов осон бўлмаслиги аниқ, лекин ҳар бир эртакнинг якуни бўлиши лозим. Ўйлашимча, ғолиб номи эълон қилингач ҳеч кимда ҳеч қандай шубха ва гумон қолмайди.