«Барселона» бош мураббийи Ханс-Дитер Флик ҳимоячи Жоау Канселунинг жамоада қолишини хоҳлайди. Январь ойида каталонияликлар португалиялик футболчини Саудия Арабистонининг «Ал-Ҳилол» клубидан ижарага олишган эди.

Бироқ Diario SPORT нашрининг таъкидлашича, «Барселона» 31 ёшли Канселуни сотиб олиш ниятида эмас. Манба берган маълумотларга кўра, каталонияликлар футболчини фақатгина у «Ал-Ҳилол» билан шартномасини бекор қилса ва маошининг камайтирилишига рози бўлсагина ўз сафига қўшиб олишга тайёр. Қайд этилишича, агар барча шартлар бажарилса, «Барселона» Канселуга икки йиллик шартнома таклиф қилади. Акс ҳолда, клуб эътиборини бошқа номзодларга қаратади.

Жорий мавсумда Канселу «Барселона» сафида 12 та учрашувда иштирок этиб, битта гол урди ва тўртта голли узатмани амалга оширди.