«Реал» вингери Винисиус «Атлетико» бош мураббийи Диего Симеонега унинг аввалги сўзларини эслатиб қўйди.

22 март куни бўлиб ўтган Мадрид дербисида «Реал» «Атлетико»ни мағлуб этди (3:2). Ушбу баҳсда Винисиус дубль қайд этди ва 87-дақиқада захирага олинди. Майдонни тарк этаётиб, бразилиялик футболчи «Атлетико» мураббийининг ёнидан ўтди ва тўрт марта: «Мени ҳайдаб юборишади», деб айтди. Бу ҳолат Симеонега ёқмади.

Винисиуснинг бу сўзлари жамоаларнинг январь ойида Испания Суперкубоги доирасидаги учрашувига ишорадир (ўшанда «Реал» 2:1 ҳисобида ғалаба қозонганди). Ўша ўйин давомида Симеоне Винисиусга қарата: «Перес сени ҳайдаб юборади, менинг гапимни эслаб қол», деган эди.