"Лион" ҳужумчиси Мусса Дембеле Чемпионлар лигаси гуруҳ босқичининг 5-турида "Зенит"га қарши ўйин олдидан ўтказилган матбуот анжуманида учрашувдан кутаётган натижалари билан ўртоқлашди.

- Биз максимал даражада ўйнаймиз, ғалаба қозониш учун бу ерга келдик. Бу гуруҳдаги ҳал қилувчи ўйин бўлади, деди Дембеле.

- Эртага сиз Мемфис Депайсиз ўйнайсиз. Бу муаммо бўлмайдими?

- Албатта. Депайни йўқотиш - бу жиддий нарса, аммо бизда яхши жамоа бор. Бу муаммо бўлмаслиги керак. Чемпионлар лигасида гол урмаганимдан хавотирланмайман. Бу менга босим ўтказмайди. Биз бир жамоа сифатида ҳаракат қилишимиз керак.
Мен учун Депайнинг йўқлиги ҳеч нарсани ўзгартира олмайди. Айтганимдек, бизда ажойиб таркиб бор. Бизда муаммо бўлмайди " - деди Дембеле.