Англиянинг «Ливерпуль» клуби бош мураббийи Юрген Клопп «Наполи» (1:1) клубига қарши бўлиб ўтган учрашувдан кейинги фикрлари билан ўртоқлашди.
— Бизда бир ёки иккита голли вазият содир бўлди. Бундай ўйин учун бу вазиятлар камлик қилади. Аммо, ҳали ҳаммаси ўз қўлимизда. Зальцбургга фақат ғалаба учун ташриф буюрамиз. Вазифамиз ҳали уддаланмади, уни бажариш қийинроқ.
Энг ёқимсизи — Фабиньонинг жароҳати бўлди. Бу катта йўқотиш, лекин умид қиламизки, барчаси ортда қолади ва унинг жароҳати жиддий бўлиб чиқмайди.
Биз кейинги босқичга чиқиш масаласини шу кечада ҳал қилиб қўймоқчи эдик. Лекин «Наполи» билан қийин баҳс бўлишини билардик. Биз рақибга босим уюштиришга ҳаракат қилдик, айниқса сўнгги 15 дақиқада. Биз гол киритишга ва рақибнинг байрамини бузишга эришдик, — деди Клопп.