Angliyaning «Liverpul» klubi bosh murabbiyi Yurgen Klopp «Napoli» (1:1) klubiga qarshi bo‘lib o‘tgan uchrashuvdan keyingi fikrlari bilan o‘rtoqlashdi.
— Bizda bir yoki ikkita golli vaziyat sodir bo‘ldi. Bunday o‘yin uchun bu vaziyatlar kamlik qiladi. Ammo, hali hammasi o‘z qo‘limizda. Zalsburgga faqat g‘alaba uchun tashrif buyuramiz. Vazifamiz hali uddalanmadi, uni bajarish qiyinroq.
Eng yoqimsizi — Fabinyoning jarohati bo‘ldi. Bu katta yo‘qotish, lekin umid qilamizki, barchasi ortda qoladi va uning jarohati jiddiy bo‘lib chiqmaydi.
Biz keyingi bosqichga chiqish masalasini shu kechada hal qilib qo‘ymoqchi edik. Lekin «Napoli» bilan qiyin bahs bo‘lishini bilardik. Biz raqibga bosim uyushtirishga harakat qildik, ayniqsa so‘nggi 15 daqiqada. Biz gol kiritishga va raqibning bayramini buzishga erishdik, — dedi Klopp.