Британия ОАВ тарқатган хабарга қараганда, Жозе Моуриньо сўнгги ҳафтада «Тоттенхэм»даги муҳитни ўзгартириб юборгани футболчиларга ижобий таъсир кўрсатмоқда.

Эслатиб ўтамиз, португалиялик мутахассис жамоани қабул қилиб олганидан кейин «шпорлар» «Вест Хэм» (3:2) ва «Олимпиакос» (4:2) клубларини мағлубиятга учратишга муваффақ бўлишди.

Sportsmail нашрининг ёзишича, Моуриньонинг ҳаракатлари «Тоттенхэм» футболчиларига маъқул келмоқда.

Моуриньо машаққатли машғулотларни рад этди ва янгича қараш жамоага соврин олиб келишига ваъда берди. Бундан ташқари, португалиялик мутахассис шахсан ўз машғулотларда иштирок этмоқда. Почеттино даврининг сўнгги пайтларида унинг ёрдамчилари машғулотни ўтказишарди.

Шунингдек, Моуриньо футболчилар билан шахсан ўзи суҳбатлашмоқда, улар билан ҳазиллашиб гаплашмоқда ва жамоанинг ўйини ҳақидаги фикрларни тингламоқда. Бундай муносабат футболчиларга ижобий таъсир кўрсатмоқда.