Britaniya OAV tarqatgan xabarga qaraganda, Joze Mourinyo so‘nggi haftada «Tottenxem»dagi muhitni o‘zgartirib yuborgani futbolchilarga ijobiy ta’sir ko‘rsatmoqda.

Eslatib o‘tamiz, portugaliyalik mutaxassis jamoani qabul qilib olganidan keyin «shporlar» «Vest Xem» (3:2) va «Olimpiakos» (4:2) klublarini mag‘lubiyatga uchratishga muvaffaq bo‘lishdi.

Sportsmail nashrining yozishicha, Mourinyoning harakatlari «Tottenxem» futbolchilariga ma’qul kelmoqda.

Mourinyo mashaqqatli mashg‘ulotlarni rad etdi va yangicha qarash jamoaga sovrin olib kelishiga va’da berdi. Bundan tashqari, portugaliyalik mutaxassis shaxsan o‘z mashg‘ulotlarda ishtirok etmoqda. Pochettino davrining so‘nggi paytlarida uning yordamchilari mashg‘ulotni o‘tkazishardi.

Shuningdek, Mourinyo futbolchilar bilan shaxsan o‘zi suhbatlashmoqda, ular bilan hazillashib gaplashmoqda va jamoaning o‘yini haqidagi fikrlarni tinglamoqda. Bunday munosabat futbolchilarga ijobiy ta’sir ko‘rsatmoqda.