Голландиялик журналистлар Пим Вербекнинг 63 ёшда оламдан кўз юмганлиги ҳақида хабар беришмоқда.
Вербек 2002 йилги Жаҳон чемпионатида Жанубий Корея терма жамоаси бош мураббийи Гусс Хиддинкнинг ёрдамчиси бўлиб ишлаган. Кейинроқ у 2006 йилги Жаҳон чемпионатида Ж. Корея терма жамоасида фаолият олиб борган Дик Адвокатга ассистентлик қилган
Сўнгра, Вербек Жанубий Корея терма жамоасини мустақил бошқарди, кейин эса Австралия ва Уммон терма жамоалари бош мураббийи этиб тайинланди.
2019 йили Осиё Кубогидан кейин Уммон терма жамоасини тарк этган Вербек қайтиб бош мураббий бўлмаслигини айтиб ўтган эди.
Вербек терма жамоаларда бош мураббий бўлишидан аввал Голландиянинг бир қатор клубларида ҳам ишлашга улгурганди.
NOS нашрининг ёзишига қараганда, давомий ҳасталик голландиялик мутахассиснинг ўлимига сабаб бўлган.
