Gollandiyalik jurnalistlar Pim Verbekning 63 yoshda olamdan ko‘z yumganligi haqida xabar berishmoqda.
Verbek 2002 yilgi Jahon chempionatida Janubiy Koreya terma jamoasi bosh murabbiyi Guss Xiddinkning yordamchisi bo‘lib ishlagan. Keyinroq u 2006 yilgi Jahon chempionatida J. Koreya terma jamoasida faoliyat olib borgan Dik Advokatga assistentlik qilgan
So‘ngra, Verbek Janubiy Koreya terma jamoasini mustaqil boshqardi, keyin esa Avstraliya va Ummon terma jamoalari bosh murabbiyi etib tayinlandi.
2019 yili Osiyo Kubogidan keyin Ummon terma jamoasini tark etgan Verbek qaytib bosh murabbiy bo‘lmasligini aytib o‘tgan edi.
Verbek terma jamoalarda bosh murabbiy bo‘lishidan avval Gollandiyaning bir qator klublarida ham ishlashga ulgurgandi.
NOS nashrining yozishiga qaraganda, davomiy hastalik gollandiyalik mutaxassisning o‘limiga sabab bo‘lgan.
