"Ювентус" клуби собиқ мураббийи Массимилиано Аллегри "Арсенал" клубида ишлашни истамади. Бу ҳақда Football Italia нашри хабар тарқатди.
Унаи Эмери истеъфога чиқарилганидан кейин "канонирлар" италиялик мутахассисга таклиф билан чиқишди. Аммо 52 ёшли мураббий бу таклифга рад жавобини берди.
Эслатиб ўтамиз, ҳозирда "Арсенал"ни Фредди Юнгберг вақтинчалик бошқармоқда.
Маълумот ўрнида. Массимилиано Аллегри 2014-2019 йиллар оралиғида "Ювентус"ни бошқариб, 5 марта Италия чемпионлиги, 4 марта Италия кубоги ва 2 марта Италия суперкубогини қўлга киритган.