Суперлиганинг сўнгги туридан ўрин олган ўйинлар орқали турнирни тарк этадиган бир жамоанинг номи аниқ бўлиши керак эди. Суперлигани тарк этишга "Динамо" ва "Бухоро" клублари даъвогар бўлиб туришган эди.

Самарқандликлар Қаршида "Насаф" устидан 2:1 ҳисобида ғалаба қозонишди. "Бухоро" эса ўз уйида АГМКга қарши қийин ўйинни ўтказди. Дастлаб олмалиқлар ҳисобни очишган бўлса, орадан кўп ўтмасдан мезбонлар мувозанатни тиклашди.

Иккинчи бўлимга қўшиб берилган дақиқаларда эса ҳакам АГМК дарвозаси томон пенальти белгилади. Беҳруз Шодмонов ундан самарали фойдаланиб, "Бухоро"га ғалаба тақдим этди.

Натижада "Бухоро" ва "Динамо" очколари 24тага етди. Ўзаро ўйинлар натижасига кўра самарқандликлар Суперлигани тарк этишди.

Ўйин қолдирилган "Қизилқум" ҳисобида ҳам 24 очко мавжуд. Навоийликлар ҳам ўзаро ўйинда "Динамо"дан юқорида бўлишади.

Сoca Cola Cуперлига. 26-тур
“Бухоро” — АГМК 2:1
Голлар: Бобожонов (18), Шодмонов (90+5-пенальти) - Григалашвили (15)

"Насаф" - "Динамо" - 1:2
Голлар: Азиз Ғаниев (77) — Амиржон Сафаров (55), Обид Ҳакимов (73)