Англия премьер-лигасининг 15-турига старт берилди.

Дастлабки ўйин «Кристал Пэлас» ва «Борнмут» жамоалари ўртасида ўтказилди. Учрашувнинг 19-дақиқасида мезбонлар ҳимоячиси Мамаду Сако майдондан четлатилди. Қизиқ томони, 70 дақиқадан кўпроқ вақт мобайнида бир киши кам бўлиб ўйнаган "Пэлас" ғалаба қозонишга муваффақ бўлди. Ўйин тугашига 14 дақиқа қолганида Шлупп баҳсдаги ягона голни рақиб дарвозасига жойлади. Ушбу ғалаба туфайли «Кристал Пэлас» 21 очко билан жадвалда 5-ўринга кўтарилиб олди.

«Манчестер Сити» эса сафарда «Бёрнли» меҳмони бўлиб, ишончли ғалабани қўлга киритди. Майдон эгалари фақатгина биринчи бўлимда "шаҳарликлар"га қаршилик кўрсата олишди. 24-дақиқада Жезус ҳисобни очган бўлса, иккинчи бўлим бошида унинг ўзида иккинчи голни урди. Родри Эрнандес ва Риёд Маҳрезнинг голлари туфайли ҳисоб 0:4га етганидан кейин мезбонлар битта жавоб тўпини киритишди.

Ушбу ғалаба туфайли Гвардиола жамоаси 32 очко жамғариб, 2-ўриндаги "Лестер" билан тенглашиб олди.

Англия чемпионати, 15-тур
Кристал Пэлас – Борнмут 1:0 (0:0, 1:0)
Гол: 1:0 – 76 Шлупп.
Кристал Пэлас – Гуаита, Келли, Томкинс, Сако, ван Анхолт (Шлупп, 29), Таунсенд (Маккарти, 46), Куяте, Миливоевич, Макартур, Заа, Айю.
Борнмут – Рэмсдейл, Смит, Мифем, Аке, Рико (Фрэнсис, 64), Уилсон, Лерма, Биллинг (Кук, 82), Данжума (Фрэйзер, 64), Соланке, Уилсон.
Огоҳлантиришлар: Соланке (63), Лерма (68), Миливоевич (71), Маккарти (72), Биллинг (78), Макартур (85).
Четлатиш: Сако (19).

Бёрнли – Манчестер Сити 1:4 (0:1, 1:3)
Голлар: 0:1 – 24 Габриэл Жезус, 0:2 – 50 Габриэл Жезус, 0:3 – 68 Родри Эрнандес, 0:4 – 87 Маҳрез, 1:4 – 89 Брэйди.
Бёрнли – Поуп, Бардсли, Тарковски, Ми, Питерс, Леннон, Дринкуотер (Барнс, 59), Корк, Макнил (Брэйди, 75), Хендрик, Вуд (Родригес, 59).
Манчестер Сити – Эдерсон, Уокер, Отаменди, Фернандиньо (Эрик Гарсия, 85), Анхелиньо, де Брюйне (Фоден, 80), Родри Эрнандес, Сильва, Бернарду Силва, Габриэл Жезус, Стерлинг (Маҳрез, 72).
Огоҳлантиришлар: Бернарду Силва (15), Хендрик (86).