“Қайсериспор” клубининг энг таниқли футболчиси Эммануэль Адебайор Туркия жамоасини тарк этганлигини тасдиқлади. Бу ҳақда BBC нашри хабар бермоқда.

35 ёшли тоголик форвард Туркия чемпионатининг 18-туридаги “Бешиктош” – “Кайсерисор” (4:1) ўйинидаги мағлубиятдан кейин бу учрашув унинг турк клубидаги сўнгги баҳси бўлганлигини айтди. Мазкур баҳсда Адебайор “Қайсериспор” нинг ягона голига муаллифлик қилди.

“Қайсериспор”даги фаолиятим мен учун қийин кечди. Кўп ўйлаб, жамоани тарк этишга қарор қилдим. Бу фаолиятимдаги энг қийин қарорлардан бири бўлди. Жамоага янги тарих яратиш учун катта мақсадлар билан келгандим. Аммо барчаси мен ўйлагандек бўлмади. Оилам ва ҳаммасини ўйлаб кўриб, клубни тарк этиш ва ҳаётда олдинга интилиш керак деган хулосага келдим. Жамоани тарк этсам-да, бу клуб юрагимда қолади. Туркия Суперлигасини Европанинг энг яхши лигалари қаторида бўлишини тилайман” - деди Адебайор.