Россиянинг "Ростов" клуби бош мураббийи Валерий Карпин РПЛнинг 19-тур доирасида “Спартак” (4:1) клубига қарши бўлиб ўтган учрашув ҳақидаги фикрлари билан ўртоқлашди.
"Ҳаммасидан ҳам натижа кўпроқ ёқди, — деди Карпин "Матч премьер" телеканалига. — Яхши ўйин бўлди. Биринчи бўлим ёқди, иккинчи бўлимда эса ўйин тизгинини рақибларга бериб қўйгандек туюлди. Яратганга шукур, ҳаммаси биз учун муваффақиятли якунланди. Песьяков хавотирга солди, уни алмаштиришни ҳам, алмаштирмасликни ҳам билмай қолдик.Эркин тўпни ўйинга киритаётганда у оғриқни ҳис қилди. Шу боис, уни алмаштириш борасида бироз узоқроқ ўйлашга тўғри келди. Ёзда уч ҳафтада бир марта ўйин фалсафамизни ўзгартирдик ва мен кутмагандимки бу ўзгаришлар тезда ўз самарасини беришини. Жамоа кучли тўртликка кириши мумкин".