Бир вақтлар Филип Коку дарвозадан бошқа барча позитсияларда тўп сургани ҳақида айтган эди. Дарҳақиқат, бундай универсал футболчилар Голландия футбол мактабининг узоқ йиллик меҳнатлари самараси. Айни дамда ҳам жаҳон футболида ўзининг унверсаллиги билан ажралиб турувчи футболчилар етарли. Бугун биз улар ичидаги чинакам жангчи Жоржино Вейналдум ҳақида суҳбатлашамиз.
Вейналдумни кўпинча Руд Гуллитга ўхшатиб юборишади. Бунда ўзига ҳос мантиқ мавжуд албатта. Афсонавий футболчи ўз кариерасини марказий ҳимоячи сифатида бошлаган бўлса, ПСВда қанотга кўчган, “Милан”да мураббийлар ундан истаган нуқталарида фойдаланишди. Голландия терма жамоасида эса, Гуллит ван Бастен билан биргаликда ҳужум чизиғида тўп сурган ва ўз ҳисобига 17 та голни ёзиб қўйган. ҚизиғИ шундаки, Вейналдум Эстонияга қарши учрашувда 3 та гол киритиб Гуллитнинг натижасини такорлаб бўлди…
Ёшлик чоғида
Жоржино ўзининг илк сабоқларин туғулиб ўсган Роттердам шаҳри жамоаларида олади. Аввалига соф ҳужумчи сифатида тўп сурган қаҳрамонимиз ўспирин вақтида ҳужумчи оритасурилади.
“Фейнорд” ва ПСВда Жоржони классик 10-рақам сифатида тўп суради. У керакли паллада ҳужумчи пайдо бўлиши керак бўлган нуқталарда кўриниш берар, баъзан қарши ҳужумлар чоғида иккинчи соф ҳужумчи ўрнини эгаллаши мумкин эди. Ўзининг Голландиядаги сўнгги мавсумларида қанотда ҳам ўйнай олишини намойиш этган Вейналдум АПЛга келгач, ўзи учун янги позитсия кашф этди. “Нюкасл” жамоасида таянч зонасидаги бўшлиқни тўлдирган Вейналдум бутун дунёга таянч ярим ҳимоячи бўлиб танилди.
Икки хил Вейналдум
Жоржони вазият тақазосига қараб ўз ўйин услубини шундай ўзгартирадики, худди бир эмас иккита Вейналдум бордек ҳис уйғотади. Юрген Клопп жисмонан еткук,ранг-баранг футболчиларни хуш кўриши ҳеч кимга сир эмас.
Немис мураббийи мана бир неча йиллардан бери жамоасини шакиллантиришда давом этмоқда ва бу ривожланиш Вейналдумни ҳам чеклаб ўтгани йўқ. Айни дамда “Ливерпуль”нинг 5-рақамли футболчиси майдонда жуда катта масофани бир ўзи бошқаради. Бундан ташқар, жамоасининг барча ҳужумларида иштирок этишга улгуриши таҳсинга сазовар. Энг муҳими эса, тўпсиз прессингларда барчадан фаолроқ. Тушунарли, Вейналдум учун ҳужумда ўйнаш ёқимлироқ, лекин у ўз манфаатини ҳеч қачон жамоавий ўйиндан устун қўймайди. У Куман қўл остида ўзи истага классик 10-рақам вазифасини бажаради. “Ливерпуль”да эса, марказдаги “ўтни ўчирувчи” сифатида кўриниш бермоқда. Унинг “қизиллар” сафида 166 та учрашувда 16 бор гол киритгани ҳужумдаги нўноқлиги билан эмас, Клоппнинг тактик кўрсатмалари билан боғлиқ десак, адашмаган бўламиз.
Айни дамда янги позитсия
Ҳозирги кунга келиб Клопп голландиялик футболчини жароҳат олган Фабиньонинг ўрнига майдонга тушурмоқда. “Эвертон”га қарши учрашувда Фабиньонинг позитсиясида кўриниш берган Жоржино ўзининг чинакам матор эканлигини яна бир бор исботлаб қўйди. Янги позитсия бўлишидан қатъий назар, Вейналдум ҳужумга чиқишдан сира чўчимаяпди. Боз устига, жисмоний устунлик эвазига майдоннинг иккита ярмида ҳам фаоллик намойиш этмоқда.
Бундай меҳнаткаш футболчиларни Юрген Клопп қай даражада қадрлаши ҳеч кимга сир эмас. Бундай футболчи “Ливерпуль” сингари прессинга катта урғу берувчи жамоа учун жуда муҳим. Куман сингари Клопп ҳам уни ҳужум чизиғида синаб кўришга муваффақ бўлганини унутмаган бўлсангиз керак. Ўтган мавсумда “Вулвурҳемптон”га қарши учрашувда Клопп уни Салаҳ билан биргаликда ҳужумчи чизиғида ўйнатган эди. Кейинчалик Мане сафга қайгач, Клопп уни ҳужумда тўп суриши учун бошқаимконият яратиб бермади. Терма жамоада эса аксинча, Вейналдум қора ишлардан озод қилинган ва асосий вақтини рақиб жарима майдончаси атрофида ўтказмоқда. Бу борада Клоппни ҳам айблаш ноўрин. Унинг меҳнаткаш ярим ҳимойчилари учлигиВейналдум, Фабино ва Ҳендерсоннинг асосий вазифасиқанотлардаги Арнолд ва Робертсонларнинг ҳужумга бемалол чиқишларини таъминлаб беришдан иборат.
Дарҳақиқат, 1987-йилда “олтин тўп”га эга чиққан Руд Гуллит клуб ва терма жамоада худди Вейналдум сингари иккита вазифани бажарар эди. Бугунги қаҳрамонимиз ўз ватандоши сингари “олтин тўп”га эга чиқиши ҳақиқатдан жуда йироқ. Тўғри, у Месси ёки Роналду сингари “олтин тўп”га даъвогарлар қаторидан жой олмас, бироқ замонавий футболдаги эн универсал футболчи унвонини ундан тортиб олишнинг иложи йўқ.
Я . У
