UFCнинг енгил вазн тоифасидаги чемпиони Ҳабиб Нурмагомедов боксдаги собиқ чемпиони Флойд Мэйвезер билан эҳтимолий жанги ҳақидаги саволга жавоб берди.
«Мен апрел ойида жанг ўтказиш учун шартнома имзолаганман, бокс ҳақида ҳам, Мэйвезер ҳақида ҳам ўйламаяпман. Менинг жуда жиддий рақибим бор, мен бу синовдан ўтишим керак ва кейин кўрамиз нима бўлишини.
Бокс бу унинг спорт тури, у бутун умри давомида шу иш билан шуғулланиб келган. Ҳозирда у ушбу спортда энг яхшиси - 50 та жанг, 50 та ғалаба. Мен нима дейишим мумкин, Мэйвезер - замонамизнинг энг буюк боксчиларидан бири. У билан боксда жуда қийин бўлади ”, деди Ҳабиб.
