"Барселона" бош мураббийи Эрнесто Вальерде Ла лиганинг 17-тури доирасида бўладиган "Реал Сосьедад"га қарши ўйин олдидан ўз фикрларини билдириб ўтди.
"Сўнгги йилларда "Реал Сосьедад"га қарши сафар ўйинлари жуда қийин кечмоқда. Шу боис, ҳозир "класико" ҳақида эмас, навбатдаги ўйин ҳақида ўйлаяпмиз. "Реал Сосьедад" ўз ўйин режасига эга ва уни қандай қилиб амалга оширишни яхши билади. Рақиб тўпни йўқотган заҳоти уни олиб қўйишга киришади. Тезкор Мерино ва Эдегор ҳужумда яхши ҳаракат қилишади. Учрашув қийин ўтишини кутяпман.
"Класико" олдидан кучни сақлаб қолишдан маъно йўқ. Боиси "Сосьедад"дан олинадиган 3 очко "Реал"га қарши ўйинда қўлга киритиладиган уч очко каби муҳим. Шунинг учун шанба куни кучли жамоалар тўқнаш келади", — деди Вальверде.
"Реал Сосьедад" — "Барселона" ўйини бугун — 14 декабрь, шанба куни Тошкент вақти билан 20:00да бошланади.