"Арсенал" ярим ҳимоячиси Месут Ўзил Хитой ҳукуматини танқид қилиб чиқди. Германиялик футболчи расмий Пекинни уйғур миллатига нисбатан зулм қилаётганликда айблади.

"Шарқий Туркистон — Ислом умматининг оғлиқли нуқтаси.  Уйғурлар — таъқибга қарши курашаётган эътиқодли миллат. Улар инсонларни исломдан ажратмоқчи бўлганларга қарши ёлғиз курашишмоқда. Хитойда Қуръонни ёқишмоқда, масжидлар, диний мактаблар ва мадрасаларни ёпишмоқда. Диний уламолар бирин-кетин қатл қилинмоқда. Шунга қарамай, мусулмонлар сукут сақлашмоқда.

Ахир зулмга рози бўлиш — айнан зулмнинг ўзи эканини улар билишмайдими? Муҳаммад пайғамбарнинг куёви Али айтган эди: "Агар сиз зулмни бартараф эта олмасангиз, уни фош қилинг", — дея ёзди Ўзил ўзининг Твиттердаги саҳифаси орқали.