"Наполи" ярим ҳимоячиси Хосе Кальехон яқин орада клуб билан янги шартнома имзолаши мумкин.
"Наполи" футболчига 2 йилга мўлжаллланган янги шартнома таклиф қилди дея хабар беради La Gazetta dello Sport нашри.
Айни пайтда томонлар келишув тафсилотларини муҳокама қилмоқда.
Ярим ҳимоячи бош мураббий Карло Анчелотти истефога чиқарилганидан сўнг жамоани тарк этмасликка қарор қилди.
32 ёшли испаниялик футболчининг амалдаги шартномаси июнь охирида ниҳоясига етади.
Ушбу мавсумда Кальехон "Наполи" сафида 19 та ўйин ўтказиб, 1 та гол урди ва 7 та голли узатма амалга оширди.
