Хабарингиз бор, сайтимизнинг телеграмдаги каналида Суперлига-2019 якунига бағишлаб йилнинг энг яхшиларини аниқлаш мақсадида сўровнома ўтказилди.
Сайтимиз ўқувчилари талқинига кўра, “Йилнинг энг яхши дарвозабони”, “Йилнинг энг яхши мураббийи”, “Мавсум кашфиёти” “Йил мухлислари” ва “Йилнинг энг яхши футболчиси”ни аниқлашга қарор қилдик.
“Йил кашфиёти” сўровномасида 6747 нафар фойдаланувчи иштирок этди.
“Бунёдкор” ярим ҳимоячиси Санжар Қодирқулов 14 (944та) фоиз овоз билан учинчи ўринни эгаллади. Санжар якунланган мавсумда 22та ўйинда майдонга тушиб, 2та гол урган ва 1та голга ассистентлик қилга
Иккинчи ўринни эса, 23 (1551та) фоиз овоз билан “Пахтакор” қанот ярим ҳимоячиси Ҳожиакбар Алижонов эгаллади. Алижонов Суперлигада 21та ўйинда майдонга тушди ва 1та гол урди. Шунингдек, Алижоновнинг Осиё чемпионлар лигаси гуруҳ босқичида “Ас-Садд” жамоасига урган ажоййиб голи ОЧЛнинг ўтган мавсум энг чиройли голлари рўйхатидан ўрин олди.
“Андижон” ҳужумчиси Шаҳзод Убайдуллаев 28 (1889та) фоиз овоз билан “Йил кашфиёти” деб топилди. Шаҳзод “бургутлар”нинг жорий мавсумдаги тўпурарига айланди. Футболчи бир нечта ўйинларда жамоасини мағлубиятлардан қутқариб қолди ва “Андижон”ни Суперлигада қолишига ўз ҳиссассини қўша олди.
