Хабарингиз бор, сайтимизнинг телеграмдаги каналида Суперлига-2019 якунига бағишлаб йилнинг энг яхшиларини аниқлаш мақсадида сўровнома ўтказилди.
Сайтимиз ўқувчилари талқинига кўра, “Йилнинг энг яхши дарвозабони”, “Йилнинг энг яхши мураббийи”, “Мавсум кашфиёти” “Йил мухлислари” ва “Йилнинг энг яхши футболчиси”ни аниқлашга қарор қилдик.
“Йил дарвозабони” сўровномасида 9006 нафар фойдаланувчи иштирок этди.
“Насаф”нинг 18 ёшли посбони Абдувоҳид Неъматов 18 (1080та) фоиз билан учинчи ўринни эгаллаган бўлса, “Навбаҳор” дарвозабони Ўткир Юсупов 19 (1140та) фоиз билан иккинчи бўлди.
20 (1801та) фоиз овоз тўплаган ҳолда “Пахтакор” посбони Элдор Суюнов Stadion.uz фойдаланувчилари талқинига кўра “Йил дарвозабони” деб топилди. Суюнов ортда қолган мавсумда Суперлиганинг 11та ўйинида иштирок этиб, 3та гол ўтказиб юборди. Элдор Суюнов 8та ўйинда ўз дарвозаси даҳлсизлигини сақлаб қолишга эришди.
