Xabaringiz bor, saytimizning telegramdagi kanalida Superliga-2019 yakuniga bag‘ishlab yilning eng yaxshilarini aniqlash maqsadida so‘rovnoma o‘tkazildi.
Saytimiz o‘quvchilari talqiniga ko‘ra, “Yilning eng yaxshi darvozaboni”, “Yilning eng yaxshi murabbiyi”, “Mavsum kashfiyoti” “Yil muxlislari” va “Yilning eng yaxshi futbolchisi”ni aniqlashga qaror qildik.
“Yil darvozaboni” so‘rovnomasida 9006 nafar foydalanuvchi ishtirok etdi.
“Nasaf”ning 18 yoshli posboni Abduvohid Ne’matov 18 (1080ta) foiz bilan uchinchi o‘rinni egallagan bo‘lsa, “Navbahor” darvozaboni O‘tkir Yusupov 19 (1140ta) foiz bilan ikkinchi bo‘ldi.
20 (1801ta) foiz ovoz to‘plagan holda “Paxtakor” posboni Eldor Suyunov Stadion.uz foydalanuvchilari talqiniga ko‘ra “Yil darvozaboni” deb topildi. Suyunov ortda qolgan mavsumda Superliganing 11ta o‘yinida ishtirok etib, 3ta gol o‘tkazib yubordi. Eldor Suyunov 8ta o‘yinda o‘z darvozasi dahlsizligini saqlab qolishga erishdi.
