«Барселона» ва «Манчестер Сити» клублари собиқ футболчиси Яя Туре ҳозирги замонавий футболдаги ирқчилик руҳидаги ҳаракатлар ҳақидаги фикри билан ўртоқлашди.
Ҳозирги пайтда Хитойнинг «Циндао Хайню» клубида тўп сураётган 36 ёшли футболчининг фикрича, бу муаммони ҳал қилиш учун кўп вақт талаб қилинишини айтиб ўтди. Ҳозирги мухлислар аввалгиларига қараганда анча аҳмоқ эканликларини қўшимча қилди.
«Мен ФИФА билан суҳбатлашдим, чунки бу жуда ҳам муҳим муаммо. Бу муаммони ҳал қилиш осон бўлмайди, бу жуда ҳам кўп вақт талаб қилади. Ҳозирги одамлар, мухлислар аввалгиларига қараганда анча аҳмоқ.
Албатта, бу хавотирга солмоқда, чунки ҳозир 2019 йил. 2020, 2025 йилларда бизнинг фарзандларимиз дунёга келишади, бу ҳолда нима қиламиз? Бунга чек қўйиш керак», - деди Туре.
