Профессионал бокснинг енгил (-61,2 кг) вазн тоифасида WBA Asia чемпионлик камари эгаси Равшанбек Умурзоқов (10-0, 7 КО) январ ойида ўзининг навбатдаги жангини ўтказади. Бу ҳақда GoSport.uz интернет-нашри манбалари хабар бермоқда.
Маълум бўлишича, Умурзоқов 2020 йилнинг 24 январь куни бўлиб ўтадиган бокс оқшомида рингга чиқади. Россиянинг Екатеринбург шаҳрида бўлиб ўтадиган бокс оқшомида Умурзоқов WBA Asia чемпионлик камарини ҳимоя қилади. Жанг 10 раунддан иборат бўлиши режалаштирилган. Ҳозирча Равшанбекка ким рақиблик қилиши маълум эмас.
Эслатиб ўтамиз, Умурзоқов бунгача сўнгги марта 9 сентябрь куни филиппинлик Ролдан Алдеани (14-8-1, 8 КО) очколар эвазига мағлубиятга учратганди.
