«Реал» бош мураббийи Зайниддин Зидан Испания чемпионатининг 8-тури доирасида бўлиб ўтган «Атлетик»га қарши ўйин (0:0) борасида ўз фикрлари билан ўртоқлашди.

— Бундай ўйинлардан кейин ҳамиша ўйинчилар ҳаракатидан қониқиш ҳосил қилмайман. Шунча ҳаракатга қарамай, вазиятлардан фойдалана олмадик. Бундан хафсаламиз пир бўлди. Вазиятлар бўлганда — гол уриш керак. Сўнгги 3та ўйинда кўп вазиятлар яратдик, аммо кам гол урдик.

 — Нима учун жамоа имкониятлардан фойдалана олмаяпти?
 — Гап омадсизлик ва ишончсизликда эмас. Муҳими вазиятлар яратиш ва биз жуда кўп вазиятлар яратяпмиз, аммо тўп дарвозага кирмаяпти. Ишлашда давом этсак, албатта голлар урамиз.

Ҳозир  тўп дарвозага кирмаяпти, лекин ранжишга асос йўқ. Шунчаки, ушбу йил ҳар томонлама яхши бўлгани ҳақида ўйлаши лозим. Биз 2020 йилнинг бошланишини интизорлик билан кутяпман.

 — Лекин кам гол урилаётгани — хавотир учун сабаб эмасми?
 — Мен бундай ўйламайман. Одамлар бу ҳақда кўп гапираётган бўлсалар-да, биз хотиржаммиз. Сўнгги 4-5 ой давомида биз амалга оширган ишлар яхши бўлди", – деди Зидан.