Москванинг «Спартак» клуби ярим ҳимоячиси Жано Ананидзе кейинги фаолиятини Туркияда давом эттириши мумкин.
«Бизнес Online» нашрининг тарқатган маълумотига қараганда, гап Туркия чемпионати турнир жадвалининг ўрта поғоналарини эгаллаб турган жамоа ҳақида кетмоқда.
Айтиш керакки, 27 ёшли грузиялик футболчи бу мавсумда «Спартак» таркибида 10 та учрашувда майдонга тушди. Унинг жамоа билан тузган шартномаси 2021 йилнинг ёзида якунига етади.
Аввалроқ Ананидзе «Спартак» клубини тарк этишга яқин турганлиги ҳақида хабарлар тарқалганди.
