Жорий йилнинг 23-24 декабр кунлари Ўзбекистон Шахмат федерацияси ва Ўзбекистон Ёзувчилар уюшмаси ҳамкорлигида илк бора Ўзбекистон Қаҳрамони, Халқ шоири Эркин Воҳидов хотирасига бағишланган шахмат турнири ўтказилди.

Унда 100 дан ортиқ профессионал ҳамда ҳаваскорлар қатнашишди.

Ўзбекистон Қаҳрамони, Халқ шоири Эркин Воҳидов хотирасига бағишланган шахмат бўйича турнир Рапид йўналишида 7 турдан, “А” ва “Б” гуруҳларда, швейцарча тизимда, ФИДЕ қоидалари бўйича ўтказилди.

Мусобақада ўйин вақтини назорат қилиб бориш учун электрон соатлардан фойдаланилди.

Хотира турнирда қатнашиш учун профессионал шахматчиларнинг ФИДЕ халқаро рейтингида 2000 баллдан кам бўлмаслиги талаб этилди, ҳаваскорлар ўртасида қатнашиш учун эса Ўзбекистон Ёзувчилар уюшмаси, Ўзбекистон Миллий Телерадиокомпанияси томонидан тақдим этилган рўйҳат асосида қатнашиш имкониятига эга бўлдилар.

Ўзбекистон Қаҳрамони, Халқ шоири Эркин Воҳидов хотирасига бағишланган шахмат турнири швейцарча тизимда ўтказилиб, 23 декабр куни 4 тур, 24 декабрда эса қолган
3 тур ўтказилди.
Чемпионатни ўтказишга Ўзбекистон Шахмат Федерациясидан ташриф буюрган тажрибали, профессионал ҳакамлар бевосита раҳбарлик қилишди.

Хотира турнири сўнгида Ўзбекистон Қаҳрамони, Халқ шоири Эркин Воҳидовга Ўзбекистон Шахмат федерациясининг “Фаҳрий гроссмейстери” унвони Ўзбекистон Шахмат федерацияснинг олтин медали берилди. Унвонни Эркин Воҳидовнинг ўғли Хуршид Воҳидов қабул қилиб олди.

Ҳаваскорлар ўртасидаги ғолиблар:
1. Юсупов Мурод
2. Яҳё Тоға
3. Ғафуров Элдор

Профессионаллар ўртасидаги ғолиблар:
1. Воҳидов Шамсиддин
2. Шванов Георгий
3. Джумаев Марат

Иштирокчилар диплом, медал, пул мукофоти билан тақдирланадилар.