Joriy yilning 23-24 dekabr kunlari O‘zbekiston Shaxmat federasiyasi va O‘zbekiston Yozuvchilar uyushmasi hamkorligida ilk bora O‘zbekiston Qahramoni, Xalq shoiri Erkin Vohidov xotirasiga bag‘ishlangan shaxmat turniri o‘tkazildi.
Unda 100 dan ortiq professional hamda havaskorlar qatnashishdi.
O‘zbekiston Qahramoni, Xalq shoiri Erkin Vohidov xotirasiga bag‘ishlangan shaxmat bo‘yicha turnir Rapid yo‘nalishida 7 turdan, “A” va “B” guruhlarda, shveysarcha tizimda, FIDE qoidalari bo‘yicha o‘tkazildi.
Musobaqada o‘yin vaqtini nazorat qilib borish uchun elektron soatlardan foydalanildi.
Xotira turnirda qatnashish uchun professional shaxmatchilarning FIDE xalqaro reytingida 2000 balldan kam bo‘lmasligi talab etildi, havaskorlar o‘rtasida qatnashish uchun esa O‘zbekiston Yozuvchilar uyushmasi, O‘zbekiston Milliy Teleradiokompaniyasi tomonidan taqdim etilgan ro‘yhat asosida qatnashish imkoniyatiga ega bo‘ldilar.
O‘zbekiston Qahramoni, Xalq shoiri Erkin Vohidov xotirasiga bag‘ishlangan shaxmat turniri shveysarcha tizimda o‘tkazilib, 23 dekabr kuni 4 tur, 24 dekabrda esa qolgan
3 tur o‘tkazildi.
Chempionatni o‘tkazishga O‘zbekiston Shaxmat Federasiyasidan tashrif buyurgan tajribali, professional hakamlar bevosita rahbarlik qilishdi.
Xotira turniri so‘ngida O‘zbekiston Qahramoni, Xalq shoiri Erkin Vohidovga O‘zbekiston Shaxmat federasiyasining “Fahriy grossmeysteri” unvoni O‘zbekiston Shaxmat federasiyasning oltin medali berildi. Unvonni Erkin Vohidovning o‘g‘li Xurshid Vohidov qabul qilib oldi.
Havaskorlar o‘rtasidagi g‘oliblar:
1. Yusupov Murod
2. Yahyo Tog‘a
3. G‘afurov Eldor
Professionallar o‘rtasidagi g‘oliblar:
1. Vohidov Shamsiddin
2. Shvanov Georgiy
3. Djumayev Marat
Ishtirokchilar diplom, medal, pul mukofoti bilan taqdirlanadilar.
