Йилнинг энг яҳши ёш футболчиси деб эътироф этилган Жасур Жалолиддинов билан кичик суҳбат уюштирдик.
Бугунги соврин сиз учун биринчиси эди. Қандай туйғуларни ҳис этдингиз?
Очиғи ўтган йили ҳам номзодим қўйилган бўлсада, ғолиблик менга насиб этмаган эди. Боя Мирзаҳаким ака жуда тўғри гапирдилар. Ўтган йили айнан шу кунда бу совринни қўлга киритишни олдимга мақсад қилиб қўйган эдим. Яратганга шукурлар бўлсин, ўз ниятимга эришдим. Илк соврин бўлгани боис, ҳаяжон босди. Бироз ғалати туйғулар. Буни сўз билан тушунтириш жуда мушкул.
«Бенавенто» клуби сафига ўтишингиз борасида нималар дея оласиз?
Биласизми, менга бу борада сўзлашни маън этишган. Айни дамда клуб ихтиёрида бир неча кун машғулотларда иштирок этдим. Инзаги қўл остида ўтган машғулотлардан сўнг, Тошкентга қайтдим. Хали 18 ёшга тўлмаганим боис, шартнома тузишнинг иложи бўлмади. Тез орада трансферим борасидаги янгиликлардан мухлисларимиз хабар топишади.
