“Динамо Загреб"нинг испаниялик ярим ҳимоячиси Даниэль Ольмо бошқа жамоага ўтишга яқин эканлиги ҳақида фикр билдирди.
“Ёзда бошқа жамоага ўтишим учун ажойиб имконият бор эди, аммо “Динамо” билан чемпионлар лигасида ўйнаш учун қолгандим. Энди менинг Хорватия чемпионатидаги фаолиятим тугади. Мен ўсиш учун кейинга қадамни ташламоқчиман”, дейди Ольмо AS нашрига берган интервьюсида.
Эслатиб ўтамиз, 21 ёшли Ольмо “Барселона” тарбияланувчиси саналади. Каталонияликлар футболчини қайтиришга қарши эмас, шунингдек “Ливерпуль” ҳам футболчини ўз сафига қўшиб олмоқчи.
