Англия чемпионатининг 20-тури доирасида «Арсенал» ўз уйида «Челси»ни қабул қилиб, имкониятни бой берди.

Шу тариқа, «канонирлар»нинг ғалабасиз ўйинлар серияси 5та баҳсга етди. Умуман олганда, «Арсенал» сўнгги 15та ўйиннинг фақат биттасидагина ғалаба қозонган. Лондонликлар АПЛнинг 16-тури доирасида «Вест Хэм»ни 3:1 ҳисобида мағлуб этишган эди.

«Арсенал» ўз уйидаги сўнгги 4та ўйинда мағлубият аламини тортмоқда. Аввалроқ улар «Эмирейтс»да «Манчестер Сити» (0:3), «Брайтон» (1:2) ва «Айнтрахт» (1:2)га имкониятни бой беришган эди. Жамоа сўнгги бундан 60 йил аввал — 1959 йилнинг декабрь ойида шундай салбий серия қайд этган эди.