"Челси" бош мураббийи Фрэнк Лэмпард АПЛнинг 20-тури доирасида "Арсенал"га қарши бўлиб ўтган ўйинда шогирдларининг ҳаракатидан қониқиш ҳосил қилмади.

"Биз дастлабки 30 дақиқа давомида жуда расво ўйнадик. Секин, ланж ва асабий ҳаракат қилдик. "Тоттенхэм"га қарши бўлган ўйин билан таққослаганда, жуда ёмон ўйнадик. "Арсенал" хоҳлаган ишини қилди, биз уларга қаршилик қила олмадик. Шунинг учун эрта алмаштиришни амалга оширишга тўғри келди. Иккинчи бўлимда эса устунликка эришдик.

Танаффусда футболчилар билан гаплашдимми? Балки. Назаримда, ноаниқ узатма бериш мумкин, аммо Лондон дербисида ланж ҳаракат қилиш керак эмас. Буни ўйинчиларга айтдим, улар тушунишди. Иккинчи таймда барчасини тактика эмас, спортча руҳият ва иштиёқ ҳал қилди", – деди Лэмпард.

АПЛнинг 20-туридан кейин "Челси" 35 очко билан 4-ўринда бормоқда.