Янги мавсумга тайёргарликни давом эттириш учун "Андижон" жамоаси бугун ўзининг Андижон шаҳридаги спорт қароргоҳида жамланади.
Жамоа бош мураббийи Александр Хомяков бугун тунда Россиядан Ўзбекистонга етиб келади ва жамоа машғулотларини бошлайди.
Бугун ва эрта Андижон шаҳрида машғулот олиб борадиган жамоамиз 6 январь куни машғулотларни Янгиер шаҳрига кўчиради.
Айнан Янгиер шаҳрида бўлиб ўтадиган асосий ўқув-йиғин жараёнида таркибга бир қатор легионер ва маҳаллий футболчилар қўшилади.
Ҳозирда бир қатор футболчилар билан музокара олиб борилмоқда. Жамоа билан шартнома тузган футболчилар ҳақида кейинроқ расмий хабар берамиз.
