Yangi mavsumga tayyorgarlikni davom ettirish uchun "Andijon" jamoasi bugun o‘zining Andijon shahridagi sport qarorgohida jamlanadi.
Jamoa bosh murabbiyi Aleksandr Xomyakov bugun tunda Rossiyadan O‘zbekistonga yetib keladi va jamoa mashg‘ulotlarini boshlaydi.
Bugun va erta Andijon shahrida mashg‘ulot olib boradigan jamoamiz 6 yanvar kuni mashg‘ulotlarni Yangiyer shahriga ko‘chiradi.
Aynan Yangiyer shahrida bo‘lib o‘tadigan asosiy o‘quv-yig‘in jarayonida tarkibga bir qator legioner va mahalliy futbolchilar qo‘shiladi.
Hozirda bir qator futbolchilar bilan muzokara olib borilmoqda. Jamoa bilan shartnoma tuzgan futbolchilar haqida keyinroq rasmiy xabar beramiz.