Calciomercato нашрининг тарқатган маълумотига қараганда, Туриннинг «Ювентус» клуби ярим ҳимоячиси Эмре Джан январ ойидаёқ жамоани тарк этиши мумкин.
25 ёшли германиялик футболчи ўйин амалиётига кам эга бўлаётганлиги сабабли, «кекса синьоралар» таркибида қолишни истамаяпти.
Дортмунднинг «Боруссия» клуби Джан билан ўзаро келишувга эришди. Джаннинг трансфер нархи 25 миллионевро атрофида баҳоланмоқда.
Эслатиб ўтамиз, германиялик футболчига «ПСЖ» ва «Манчестер Юнайтед» клублари ҳам давогарлик қилишмоқда.
