Франциянинг “Монако” клуби янги бош мураббийи жамоадаги биринчи куни ҳақида фикр билдирди.

"Ҳафта яхши бўлди, футболчиларнинг машғулотларда ўзларини қандай тутишаётганини кўрдим. Мен футболчилардан нима хоҳлаган бўлсам, барчасини аъло даражада бажаришди. Уларнинг ҳаракатларидан қониқдим. Қандайдир ўзгаришлар ҳақида гапирмоқчи эмасман, шунчаки ўйин тизимимизни тушунтираман холос. Менга футболчилар бир бирлари билан ўйнайдиган жамоа керак. Ҳамма бирдек ҳимояланиб, бирдек ҳужумга ўтиши керак. Жамоа ҳақида кўп маълумотга эгаман. Мен хоҳлаётган нарсаларни бир ҳафтада қилиш мумкин эмас. Кўп меҳнат қилишимиз керак ва ўйин мобайнида аниқ ҳаракат қилишимиз шарт", — Роберт Моренонинг сўзларидан иқтибос келтирмоқда L`Equipe.