Бугун жамоанинг Абу Дабига келганига роппа-роса бир ҳафта бўлди. "Темирйўлчилар"нинг бугунги машғулоти бир маҳал кечди. Сабаби жамоани эртага дастлабки ўртоқлик учрашуви кутяпти, шу боис кундузги машғулот майдонда бўлди, кечки пайт эса мураббийлар футбол назарияси бўйича сабоқ ўтишди.
Бугунги машғулот эртанги ўйин олдидан атайин ўйинолди машғулот сифатида ўтди деб бўлмайди. Чунки "Локо"нинг асосий мақсади ўртоқлик ўйинлари эмас, балки 21 январь куни Тошкентда бўлиб ўтадиган Осиё чемпионлар лигаси плей-офф учрашуви.
Эртанги назорат баҳси Шотландиянинг энг номдор клубларидан бири "Глазго Рейнжерс"га қарши кечади. Дубайдаги "Sevens" стадионида ташкил этиладиган учрашув маҳаллий вақт билан 15:00 (Тошкент вақти 16:00)да старт олади. Ўйлаймизки, мазкур беллашув жамоамиз учун ҳар томонлама фойдали бўлади, ҳар ҳолда "Рейнжерс" Европада ўзига яраша тарих ёзган клублардан бири ҳисобланади.
Бугунги машғулот ҳам ўзига яраша қизғин кечди. Барча тиним билмай меҳнат қиляпти ва мавсумга яхши тайёргарлик кўришга ҳаракат қилмоқда. Эртага жамоа 11:45да "Marriott" меҳмонхонасидан Дубай сари йўлга чиқади. Ўйиндан кейин кечқурун навбатдаги кундаликни тақдим этамиз.
"Локомотив" ПФК матбуот хизмати.
