Таниқли шарҳловчи ва ПФЛ директори бош ўринбосари Диёр Имомхўжаев Ўзбекистон ОТЖнинг бугунги ғалабаси ҳақида фикр билдирди.
“Яхши ҳам футболда мамлакат аҳолисининг сони ҳеч қандай роль ўйнамайди. Шунинг учун ҳам Юнусободчалик аҳолиси бор Исландия 11 яхши футболчи топа олади. Шунинг учун ҳам футболчиларимиз Хитойдан яхшироқ ўйнашади.
Хитой футболга биздагидан 20 марта кўпроқ пул сарфлайди. Аммо ҳамма гап пулда эмас, бунга ёрқин мисол Бразилия термаси. Биз ишлашда давом этишимиз ва нафақат давом этишимиз, балки тўғри ишлашимиз керак. Биз солиштирмоқчи бўлсак, камида Япония ёки Жанубий Кореяни, кўпида ўша Англия, Германия ёки Испанияни олаверишимиз керак. Бугунги ғалаба ҳаммамизга муборак бўлсин!”, - деб ёзади Имомхўжаев телеграм каналида.
