23 ёшгача бўлган футболчилар ўртасидаги Осиё чемпионатининг энг кутилмаган воқеаси сифатида Япония олимпиячиларининг чорак финалга чиқа олмаслигини таъкидлаш лозим.
"В" гуруҳида иштирок этаётган "кунчиқар юрт" вакиллари биринчи турда Саудия Арабистонига ютқазиб қўйишган бўлса, бугун улар Сурияга имкониятни бой беришди.
Шу тариқа, Япония 2-турдан кейин 0 очко билан сўнгги ўринни эгаллаб турибди. Сурия ва Саудияда 4, Қатар ҳисобида эса 2 очко мавжуд.
Хабарингиз бор, Япония Олимпиада-2020 мезбони ҳисобланади. Регламентга кўра, Япония ярим финалгача етиб борса, қолган 3та жамоа автомат равишда Токио-2020 йўлланмасини қўлга киритар эди. Энди финалчилардан ташқари 3-ўрин учун ўйинда ғолиб чиққан жамоа олимпия ўйинлари йўлланмасини қўлга киритади.
B - гуруҳи
| № | Жамоа | Ўйин | Ютуқ | Дуранг | Мағ-т | Т - Н | О |
|---|---|---|---|---|---|---|---|
| 1. |  Сурия |
2 | 1 | 1 | 0 | 4-3 | 4 |
| 2 |  Саудия Арабистони |
2 | 1 | 1 | 0 | 2-1 | 4 |
| 3. |  Қатар |
2 | 0 | 2 | 0 | 2-2 | 2 |
| 4. |  Япония |
2 | 0 | 0 | 2 | 2-4 | 0 |
